NE HIJEN E KRAHEVE TE TU
Ne hijen e kraheve te Tu
une kerkoj strehe,
Ne cadren Tende prehje gjej
ne ere e shi;
Shpetim, lavdi, fuqi,
gezim e shprese,
I marr nga Ti, Perendi,
vetem nga Ti. MM

Bazuar ne Psalmin 61, vargu 4

KUJT I NGJAN ZOTI PERENDI?
Kujt i ngjan, valle,
Zoti Perendi?
Me fytyre si dielli,
qe ndrin me force te tij...
Mban veshur nje brez ari
dhe rrob'n e drejtesise,
me syte si flake zjarri,
ky Bir i Perendise...
Me kembet - bronz te skuqur
dhe zerin si ujevara,
nga goja - shpate dy tehesh,
dhe floke te bardhe si bora...
E njeh keshtu dhe ti,
Jezusin, Zotin tone?
Nese jo, pranoje
tani, sa s'eshte vone! MM

Bazuar ne Zbulesa 1:12-16

KRYQ DASHURIE
I varfer u bere,
qe une i pasur t'isha;
Rende u ndeshkove,
qe faj te mos kisha.

Vdekjen takove,
qe une te njihja jeten;
Ringjalljen shijove,
qe une te kisha shpresen.

O Kryq Dashurie,
per mua gjakosur;
edhe pse e dije
sa pak te kam dashur.

Kur Ty te pranova,
nuk ma mori mendja;
se do hapje zemren,
te me ftoje brenda!

Dashuria Jote, Zot,
rrjedh e rrjedh si lume;
Askush vec Teje, Zot,
s'do kish' bere kaq shume! MM

KAQ SHUME TE DUA! 
E pyeta une Jezusin:
"Sa shume me do Ti mua?";
Ne kryq, Ai vdiq krahehapur
dhe tha: "Kaq shume te dua!" MM

KUR TY TE NJOHA
Me erdhe prane, porsi nje engjell,
Me dhe Ti krahe, me dhe Ti jete;
Me Ty kuptova se isha e lire,
Ne kete bote, ne kete realitet.

Dyert e zemres sime u hapen
me cel'sin Tend te Dashurise;
Gezimi shpertheu, vet' jeta ndryshoi,
kur Ty te njoha, Perendi.

Gezohem qe jam une bija Jote,
Gezohem qe Ti je im Ate;
Te dua, Zot, te dua, Zot,
Te dua sa jeta e gjate. MM

CNJEREZORE
Cnjerezore figura ime,
Si dogme abstrakte pikturash te pakuptimta.
Te zbehta partiturat e jetes pa TY, ZOT. MR

Çdo madhështi
Përulet para Atij
Çdo gjë që frymë merr
Përbri Tij hesht
Por unë zgjedh të të kënaq
Zemrën Ty
Se zemra ime kënaqet në Ty
Dua sa Frymë të marr
T''jetë melodi
Një këngë që nderon
Ty Dashuri. MR

Prej hirit të Tij
Frymë marr, dhe sot
Duart i lëviz
E tëra vallëzoj
Prej hirit të Tij
Shijoj këtë natë
Butas fle e plotë
Di, Kë kam pranë
Prej Hirit të Tij
Pres mezi për nesër
Sot qe, perëndim zjarr
Nesër...
Diell tjetër. MR  

PESHORJA E JETËS

Ylber a do t'shihnim, vallë,
po t'mos binte kurrë shi?
Pranverë a do t'ndjenim, vallë,
po t'mos kishte kurrë stuhi?

Si peshore është kjo jetë!
Në barazpeshë gjithçka qëndron.
Këtej gëzimi - zog me fletë,
Andej loti - maturon.

Ndonëse netët dimërore
ne na sollën veç trishtim,
dielli prapë do lindë nesër,
buzëqeshur në agim. MM

E MAHNITUR

Madhështor në shenjtëri,
Triumfues në lavdi,
Çudibërës në fuqi,
Perëndia im je Ti.

Nuk ka det që Ti s'kalon,
S'ka stuhi që Ti s'qetëson,
S'ka armik që Ti s'shkat'rron,
Mbretëron Ti, mbretëron!

E mahnitur, t'adhuroj,
Me besim nga Ti kërkoj,
Të pamundurën të takoj,
Për Ty të vdes, me Ty të rroj. MM

PESHKATARË NJERËZISH

Sa shumë më pëlqen deti,
puhiza e erës në breg,
molusqet që lozin me valët
dhe flasin me to qetë-qetë!

Në det kanë shtëpinë peshqit,
me mijëra, s'i numëron dot!
Për t'i zënë të gjithë me grep,
Dita s'do mjaftonte sot!

Ne jemi peshkatarë njerëzish
Në detin e madh - botë,
Me mijëra zemra presin
të dëgjojnë të Vërtetën tonë.

Dërgomë Ti, Zot, dërgomë,
Përdormë Ti, në këtë vend,
Me grepin 'Fjalë e Gjallë',
me varkën e Shpëtimit Tënd. MM

KOHA ESHTE AFER
Jezusi thote: "Une Jam,
I pari dhe i fundit,
Alfa dhe Omega,
Ndaj zgjohuni prej gjumit...
Boria do te bjere
dhe Une do vij me rete,
Edhe cdo sy do shohe
Mbretin e vertete!"
O Deshmitar besnik,
I Plotfuqishmi Zot,
qe eshte dhe qe ishte,
dhe qe vjen ne bote;
Qe ne fort na deshi,
mekatet na pastroi,
qe gjakun per ne derdhi,
per Perendine na zgjodhi;
Ndihmome te jetoj
per Ty, sot e ngahere,
se koha eshte afer,
Ti vjen, te dyten here. MM

Bazuar ne Zbulesa 1, vargjet 1-11

PO TE MOS RRISH ZGJUAR...
Vella besimtar,
qe fizikisht jeton;
Qe emrin e ke "gjalle",
por "i vdekur" rron!

Kujto se nga ke rene,
pendohu per gabimin;
Kujto Dashurine e pare
dhe ruaje besimin.

Se Zoti vjen te ti
atehere kur s'e ke ftuar;
Si vjedhes, pa trokitur,
ndaj duhet te rrish zgjuar.

Qe i denje te ecesh
me Zotin e se Vertetes;
Qe emri te t'jete shkruar
ne Librin e Jetes. MM

Bazuar tek Zbulesa 3:1-5

TI ME NJEH, O ZOT
Ti me njeh, o Zot,
nga larg me kupton;
Fryma Jote e Shenjte
ngado me rrethon.

Me rrethon nga para,
me rrethon nga pas;
I di fjal't e mia
para se t'i flas.

Ti e di kur ngrihem,
kur ulem e di;
Nga do mund te shkoja?
Te ikja nga Ti?

Te nis fluturimin,
drejt detit te shkoj;
Dora Jote e djathte,
fort do me shtrengoje.

Nga Ti, Perendi,
s'mund te fsheh asgje;
Se per Ty, agimi
dhe nata jane nje.

Me heto, O Zot,
dhe zemren ma njih;
Me provo, Mbret Jezus,
prane Teje po vij. MM

Bazuar tek Psalmi 139.

TE GJAN' E KAM NDJENJEN
Te gjane e kam ndjenjen mbrenda vetes per TY.
Fjale qe e vesh mbrenda botes s'a gjete,
As n'zjarrmin e jetes, as n'gjamen e dekes.
N'shkrimje, t'bahem dashuni!
Ta dish, o Zot, ka dhe ma shume per TY! MR

E gjithë bota në një anë,
Ti Veç,
Ndrysh,
Gjithçka
Qetinë Tënde, Heshtjen, Fjalzën,
T’i kam nevojë,
O Ajër Shpirti
Ule kundrimin mbi mua
Më shih, më flit, më prek,
Se bota,
E gjitha, 
Në një anë është
Ti Veç,
Je Ndrysh,
Ti, Gjithçka. MR

SHTËPIA E RE

Kur vdekja të vijë e të më thotë:
'Eja e fli tani!'
Unë, si fëmijë, s'do protestoj:
'Edhe pak a s'mund të rri?'

Kur të lë miqtë e të afërmit,
Natyrisht, do ket' dhe lot.
Por, kur e di se ku do t'shkoj,
Gëzimin s'do ta fsheh unë dot.

Në portat e qiellit do trokas
dhe do pres unë fort e qetë,
duke e ditur se pas pak
do takoj Jezusin vetë.

Në shtëpinë e re, të kaltër,
Me qiellin lart, porsi çati,
Do jetoj unë përgjithmonë
rrethuar nga dashuria e Tij. MM

O DASHURI!

Në dhomën sekrete të dashurisë
Zot, po hyj,
e mrekulluar nga bukuria
që shoh aty.

O ngrohtësi,
O ëmbëlsi,
O dashuri.

Sakrifikove Ti fronin Tënd
O dashuri.
S'je e kësaj bote,
je përjetësi,
je Dashuri.

Ti je e gjatë, Ti je e gjerë,
Je aq e thellë sa s'të kuptoj.
Vdiqe për mua, jetoj për Ty.
Zot Jezus, të adhuroj. MM