Dita kur planeti do të ngrohet edhe më shumë

Parathënie

Në media, ngrohja e planetit konsiderohet si një problem i madh. Shkencëtarë e qeveritarë në vende të ndryshme të botës po përpiqen të marrin masa për ta parandaluar, apo për ta ngadalësuar këtë ngrohje. Ata po bëjnë të pamundurën për të gjetur lëndë djegëse, që nuk i bëjnë dëm mjedisit, si edhe produkte, që mund ta vonojnë atë, që është parashikuar të jetë si fundi i botës.

A thotë Bibla gjësend rreth ngrohjes së planetit?

A ka ndonjë të vërtetë në të gjitha ato, që thonë qeveritë dhe shkencëtarët e ndryshëm, lidhur me ngrohjen e planetit, apo është kjo thjesht një taktikë për t’i frikësuar njerëzit? A thotë Bibla gjësend rreth ngrohjes së planetit?

Edhe pse askush nuk e di me siguri se si ka qenë moti para përmbytjes së planetit në kohën e Noeut, prapëseprapë, një gjë është e ditur: në atë kohë moti nuk duhet të ketë qenë as shumë i ftohtë, as shumë i nxehtë. Shpesh sugjerohet (prej teologëve) se toka duhet të ketë përfituar prej një efekti sere, duke bërë që temperatura të ishte e kënaqshme gjatë gjithë kohës. Por, pas përmbytjes, Perëndia i bëri Noeut këtë premtim: “Deri sa të jetë toka, nuk do të pushojnë kurrë së ekzistuari mbjellja dhe korrja, të ftohtit dhe të nxehtit, vera dhe dimri, dita dhe nata” (Zanafilla 8:22)… “Ti ke caktuar tërë kufijtë e tokës dhe ke bërë verën dhe dimrin” (Psalmi 74:17).

Nuk ka dyshim se një ditë në tokë do të ndodhin ndryshime drastike (ekstreme) dhe ka shumë të ngjarë që këto ndryshime të ndikojnë në ndryshimin e motit. A mund të bëjmë ne ndonjë gjë për ta parandaluar këtë? Ç’thotë Bibla?

Do vijë dita kur dielli do të nxehet jashtëzakonisht shumë. Perëndia do t’iu japë ëngjëjve fuqi për të dërguar plagë mbi tokë. Njerëzit do të digjen nga nxehtësia e diellit. “Dhe engjëlli i katërt e derdhi kupën e tij mbi dielli; dhe iu dha atij të djegë njerëzit me zjarr. Dhe njerëzit u dogjën nga një nxehtësi e madhe dhe ata blasfemuan emrin e Perëndisë që ka pushtet mbi këto plagë, dhe nuk u penduan që t’i japin lavdi atij” (Zbulesa 16:8-9).

Gjithashtu, Perëndia do të sjellë ndryshime në burimet e ujërave të planetit. “Dhe i treti engjëll i ra borisë, dhe ra nga qielli një yll i madh që digjej si pishtar, dhe ra mbi pjesën e tretë të lumenjve dhe mbi burimet e ujërave. Dhe emri i yllit është "pelin" dhe e treta e ujërave u bë pelin; dhe shumë njerëz vdiqën për shkak të këtyre ujërave, sepse u bënë të hidhura… Pastaj engjëlli i dytë e derdhi kupën e tij në det; dhe u bë gjak si i një të vdekuri dhe çdo qenie e gjallë në det vdiq” (Zbulesa 8:10-11; 16:3).

Perëndia na paralajmëron se vërtet moti do të ndryshojë dhe se do të bjerë një tërmet i madh, më i fuqishëm se çdo tërmet që ka rënë ndonjëherë në tokë. “Atëherë shkrepën zëra bubullima dhe vetëtima, dhe u bë një tërmet i madh, që i tillë nuk ishte bërë qëkurse u bënë njerëzit mbi tokë, një tërmet kaq fort i madh” (Zbulesa 16:18). Sipërfaqja e tokës do të ndryshojë plotësisht, për shkak të këtij planeti. “Dhe çdo ishull iku, edhe malet nuk u gjetën më. Dhe një breshër i madh, me peshë prej një talenti, ra nga qielli mbi njerëzit; edhe njerëzit blasfemuan Perëndinë për plagën e breshërit; sepse plaga e tij ishte me të vërtetë e madhe” (Zbulesa 16:20-21).

Shfaqja e zemërimit të Perëndisë mbi tokë

Do të vijë dita, kur Perëndia do të zbresë (prej Qiellit) në zemërim të madh, për të përfunduar së gjykuari njerëzimin. “Dhe pashë, kur ai hapi vulën e gjashtë; dhe ja, u bë një tërmet i madh, dhe dielli u bë i zi si një thes prej leshi, dhe hëna u bë si gjak; dhe yjet e qiellit ranë mbi dheun, ashtu si fiku hedh fiqtë e paarrirë kur e tund një erë e madhe. Pastaj qielli u hoq si një pergamenë që mbështillet, dhe çdo mal dhe ishull luajtën nga vendi i tyre. Dhe mbretërit e dheut, dhe të mëdhenjtë, dhe të pasurit, dhe komandantët, dhe të fuqishmit, dhe çdo skllav e çdo i lirë, u fshehën nëpër shpella dhe nëpër krepat e maleve, dhe u thoshnin maleve dhe shkëmbinjve: “Bini mbi ne dhe na fshihni nga fytyra e atij që rri mbi fron dhe nga zemërimi i Qengjit, sepse erdhi dita e madhe e zemërimit së tij; dhe kush mund të qëndrojë?” (Zbulesa 6:12-17).

A të frikësojnë këto fjalë? Duhet të të frikësojnë, nëse nuk e njeh Jezusin si Shpëtimtarin tënd. Një ditë, Zoti do të kthehet në tokë për të marrë të Tijët. Ai do t’i marrë me Vete të gjithë ata, që besojnë në Të, e do t’i çojë në Qiell, që të jetojnë me Të në përjetësi. “Sepse Zoti vetë, me një urdhër, me zë kryeengjëlli dhe me borinë e Perëndisë, do të zbresë nga qielli dhe ata që vdiqën në Krishtin do të ringjallen të parët; pastaj ne të gjallët, që do të kemi mbetur, do të rrëmbehemi bashkë me ata mbi retë, për të dalë përpara Zotit në ajër; dhe kështu do të jemi përherë bashkë me Zotin” (1 Thesalonikasve 4:16-17). Po ti, a do të shkosh me Të atë ditë?

Ata, që nuk e njohin Jezusin si Shpëtimtarin e tyre, do të lihen mbrapa. Ata, që e kanë dëgjuar ungjillin dhe e kanë refuzuar, do të besojnë një gënjeshtër. “E prandaj Perëndia do t’u dërgojë atyre një gënjim që do t’i bëjë të gabojnë, që t’i besojnë gënjeshtrës, që të dënohen të gjithë ata që nuk i besuan së vërtetës, por përqafuan ligësinë!” (2 Thesalonikasve 2:11-12). Gjithashtu, ata do të adhurojnë Antikrishtin dhe do ta pranojnë damkën e tij mbi dorën, apo ballin e tyre. “Veç kësaj bëri që të gjithëve, të vegjël e të mëdhenj, dhe të pasur dhe të varfër, dhe të lirë dhe skllevër, t’u vihet një damkë mbi dorën e tyre të djathtë ose mbi ballin e tyre, dhe që askush të mos mund të blinte ose të shiste, po të mos kishte damkën ose emrin e bishës ose numrin e emrit të saj” (Zbulesa 13:16-17). Së fundi, ata do të vuajnë zemërimin e Perëndisë së Gjithpushtetshëm, sepse e refuzuan Atë dhe adhuruan bishën. Ngaqë nuk besuan në Jezusin, në “Qengjin e Perëndisë, që heq mëkatin e botës” (Gjoni 1:29), ata do të vuajnë përjetësisht në Liqenin e Zjarrit. “Dhe, nëse ndokush nuk u gjet i shkruar në librin e jetës, u flak në liqenin e zjarrit” (Zbulesa 20:15).

A ka rrugë shpëtimi?

Si mund t’iu shpëtojë njeriu plagëve të tmerrshme, që po vijnë? A është e mundur të gjendet një rrugë shpëtimi prej diellit që djeg, ujërave të hidhura, tërmeteve dhe breshërit të madh? E vetmja rrugë shpëtimi është pendimi për mëkatet dhe besimi në Zotin Jezus Krisht. Planifikimi i rrugës së shpëtimit duhet bërë sot; nesër mund të jetë shumë vonë! “Kërkoni Zotin ndërsa mund të gjendet, e thirrni ndërsa është afër. I pabesi le ta lërë rrugën e tij dhe njeriu i padrejtë mendimet e tij, dhe le të kthehet tek Zoti që të ketë dhembshuri për të, tek Perëndia ynë që fal bujarisht” (Isaia 55:6-7)… “Beso në Zotin Jezu Krisht dhe do të shpëtohesh” (Veprat e Apostujve 16:31)… “Dhe në asnjë tjetër nuk ka shpëtim, sepse nuk ka asnjë emër tjetër nën qiell që u është dhënë njerëzve dhe me anë të të cilit duhet të shpëtohemi” (Veprat e Apostujve 4:12).

Përfundim

Po, është e vërtetë se planeti do të ngrohet. Moti do të ndryshojë. Por, këto gjëra nuk duhet të na shqetësojnë, nëse jemi të shpëtuar e nëse vazhdojmë t’i besojmë Jezus Krishtit si Shpëtimtar.

Perëndia na ka treguar se ç’do t’i ndodhë planetit tonë dhe universit në fund të epokës: “Dhe dita e Zotit do të vijë si një vjedhës natën; atë ditë qiejt do të shkojnë me krismë, elementët do të shkrihen nga të nxehtit dhe veprat dhe toka që janë në të do të digjen krejt” (2 Pjetrit 3:10).

Ku do të ndodhemi, kur të ndodhin këto gjëra? Ku do ta kalojmë përjetësinë? A do ta kalojmë jetën këtu në tokë, duke u përpjekur për ta ndaluar ngrohjen e planetit? Njerëzit janë kaq të shqetësuar për ta shpëtuar planetit prej ngrohjes, saqë e kanë harruar fare shpirtin e tyre dhe faktin se do ta kalojnë përjetësinë në Liqenin e Zjarrit, nëse nuk kthehen tek Krishti. “Ç’përfitim ka njeriu nëse fiton gjithë botën dhe pastaj e humb shpirtin e vet? Ose çfarë do të japë njeriu si shkëmbim të shpirtit të vet?” (Mateu 16:26).